ԱԱԾ-ի նորանշանակ տնօրենը սրտի նոպայով տեղափոխվել է հիվանդանոց

Արմեն Աբազյանը ՀՀ ազգային անվտանգության ծառայության ղեկավարի պաշտոնը ստանձնել է նոյեմբերի 9-ին։

ԱԱԾ-ի տնօրեն Արմեն Աբազյանը սրտի նոպայով ցերեկը տեղափոխվել է «Նորք–Մարաշ» սրտաբանական կենտրոն։ Տեղեկությունը Sputnik Արմենիային հայտնեցին առողջապահական ոլորտի պատասխանատուներից։

«Հետազոտություն է անցել, դուրս գրվել»,– ասաց նա։

Արմեն Աբազյանը ՀՀ ազգային անվտանգության ծառայության տնօրեն է նշանակվել նոյեմբերի 9-ին։

Մինչ այդ Աբազյանը զբաղեցնում էր ԱԱԾ տնօրենի տեղակալի պաշտոնը։ Վարչապետ Նիկոլ Փաշինյանի որոշմամբ` օգոստոսի 10-ին Արմեն Աբազյանը նշանակվել էր քննչական կոմիտեի նախագահի տեղակալ։ Սակայն մեկ օր անց` օգոստոսի 11-ին, ազատվել էր պաշտոնից և հաջորդ օրը նախագահի հրամանագրով նշանակվել ԱԱԾ տնօրենի տեղակալ։

Понравилась статья? Поделиться с друзьями: